દેશમાં કોરોના વાયરસ સતત ફેલાય રહ્યો છે. લોકડાઉન અને કોવિડ-19ના કારણે ઘણાં લોકો નોકરી ગુમાવી ચૂક્યા છે. નોકરીઓ ગુમાવ્યા બાદ કેટલાક લોકો મોટા શહેરોને છોડીને ફરી પોતાના ગામમાં પણ પરત ફર્યા, જેના લીધે તેમને ત્યાં બે ટાઈમની રોટી માટે મોહતાજ ન બનવું પડે. બેરોજગારીને લઈને ગત દિવસોમાં યુવાઓએ દેશના અલગ અલગ ઠેકાણે પ્રદર્શન પણ કર્યા હતા. 17 સેપ્ટેમ્બરે પ્રધાનમંત્રી નરેન્દ્ર મોદીના જન્મદિવસ પર રાષ્ટ્રીય બેરોજગારી દિવસ ટ્વીટર પર ટોપ ટ્રેંડમાં હતું. હવે દેશમાં બેરોજગારીને લઈને ભોજપુરી સિંગરે એક ગીત બનાવ્યું, જે ખૂબ જ વાયરલ થઈ રહ્યું છે.
યુવાઓની બેરોજગારી પર ભોજપુરી સિંગર નેહા સિંહ રાઠોરનો એક વીડિયો ઇન્ટરનેટ પર ખૂબ જ વાયરલ થઈ રહ્યો છે. આ વીડિયોમાં નેહા સરકાર પર નિશાનો સાધી રહી છે. વિડિયોમાં નેહા “બિહાર બેરોજગાર બોલા તાની” ગીત ગાતી નજરે આવી રહી છે. આ ગીત દ્વારા નેહા સરકાર પર કટાક્ષ કરી રહી છે.
નેહા સિંહ રાઠોરે આ વીડિયોને તેના ફેસબુક પેજ પર શેયર કર્યો છે. આ વીડિયોમાં નેહા બેરોજગારોની સંવેદના સંભળાવી રહી છે. નેહાના વીડિયોને લોકો ખૂબ જ પસંદ કરી રહ્યા છે અને પોતાની પ્રતિક્રિયા આપી રહ્યા છે. જણાવી દઈએ, નેહા હંમેશા તેના વીડિયો દ્વારા સરકાર પર ભરપૂર નિશાનો સાધે છે. તેના ગીતનાં વીડિયો તેના ચાહકોને ખૂબ જ પસંદ પણ આવે છે.
(હેડલાઇન સિવાય, આ સમાચાર યુવાસાથી ટીમે સંપાદિત કર્યા નથી. સમાચાર સૌજન્યઃ એનડીટીવી)
