Saturday, July 20, 2024
Homeસમાચારઝફરુલ ઇસ્લામ ખાનના ઘરે દિલ્હી પોલીસ વિશેષ સેલના દરોડા, ખાલી હાથે પાછા...

ઝફરુલ ઇસ્લામ ખાનના ઘરે દિલ્હી પોલીસ વિશેષ સેલના દરોડા, ખાલી હાથે પાછા ફરવું પડ્યું

દિલ્હી પોલીસ અને વિશેષ સેલ દ્વારા ગંભીર આરોપ હેઠળ એફઆઈઆર નોંધાયાના અહેવાલો પછી ડો.જફરુલ ઇસ્લામ ખાન પર આજે સાંજે દિલ્હી પોલીસ અને વિશેષ સેલ દ્વારા દરોડા પાડવામાં આવ્યા છે. મળતી માહિતી મુજબ, દિલ્હી પોલીસ મોટી સંખ્યામાં તેમના ઘરની બહાર તૈનાત હતી અને આ દરમિયાન મોટી સંખ્યામાં લોકો ઝફરુલ ઇસ્લામ ખાનના ઘરની બહાર એકઠા થવા લાગ્યા, ઓખલાના ધારાસભ્ય અમાનતુલ્લાહ ખાન પણ ઘટના સ્થળે પહોંચી ગયા હતા અને પોલીસને નોટિસની માંગ કરી હતી.

ઝફરુલ ઇસ્લામ ખાન દિલ્હી લઘુમતી પંચના અધ્યક્ષ છે અને તાજેતરમાં તેમણે ભારતમાં મુસ્લિમો પર વધી રહેલા અત્યાચાર વિરુદ્ધ એક ટ્વીટ કર્યું હતું, જેને લીધે વિવાદમાં ઘેરાયા હતા અને ભાજપના કેટલાક નેતાઓ અને મીડિયા દ્વારા કાર્યવાહીની માંગ કરવામાં આવી હતી, આ દરમિયાન એવું પણ કહેવામાં આવ્યું હતું કે ઝફરુલ ઇસ્લામ ખાને તેમના ટ્વીટ માટે માફી માંગી છે પરંતુ તેમણે રીટ્વીટ કરીને આ અફવાને નકારી હતી અને કહ્યું હતું કે હું મારા સ્ટેન્ડ ઉપર કાયમ છું. લોકડાઉન શરૂ થયું ત્યારથી જ દિલ્હી પોલીસ મુસ્લિમ વિદ્યાર્થીઓ અને સામાજિક કાર્યકરોની સતત ધરપકડ કરી રહી છે અને આજે અચાનક લઘુમતી પંચના અધ્યક્ષની ધરપકડ કરવા તેમના ઘરની બહાર વિશેષ સેલ પહોંચ્યુ હતું.

લઘુમતીઓ ઉપર સરકારી દમનની પરાકાષ્ઠા છે કે પોલીસ એક ટ્વીટને આધારે ઝફરુલ ઇસ્લામ ખાન પર રાજદ્રોહ જેવો કેસ દર્જ કરેલ છે.

ઝફરુલ ઇસ્લામ ખાન સાથે વિગતવાર ચર્ચા કર્યા પછી, દિલ્હી પોલીસે નોટિસ મોકલવાનું કહી પરત ફરી ગઈ હતી.


RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments